Online business me success hone ke liye kya important hai? Maybe aap ka answer “knowledge” hoga. But ye ek dam bakwaas aur useless concept hai. To phir blogging aur youtube me successful hone ke liye kis cheez ki zaroorat hoti hai? Let’s break the silence!
Different log blogging and vlogging me different techniques ka upyog karte hai. Kya main ek secret bata du ki online business me kis cheez ka hona important hai? Aap bhale hi meri baat se agree na kare lekin fact yehi hai jo mera khud ka experience hai. Let’s break it down into pieces!
Successful Blogger Kaise Bane
Main aapko blog banane ka process nahi bataunga aur na hi wordpress/blogger ki technical tips batane wala hu. Maine different article likha hai jis me only naye ideas add kiye gaya hai. क्रेजी ब्लॉगर्स और YouTubers का वास्तविक जीवन रहस्य janne ke liye maine 4 tips share kiye hai jo aapko naya ideas dene me help kar sakte hai.
1. Experience
Kisi bhi field me aane se pehle bahut sare failures ko face karna padta hai aur jaise jaise experience badta hai to dheere dheere sab kuch OK ho jata hai. Only knowledge ki madad se koi bhi aadmi online business me success nahi hota hai especially YouTube field me.
2. Talent
Talent sabse important aur ek powerful weapon hai jo har kisi ke paas nahi hota hai lekin isko develop kiya ja sakta hai. Aap bhale hi bahut hard work kare lekin agar aapke paas talent nahi hai to bhi aap success ho jayenge but talented hona bhi zaroori hai. Talented hone ke liye aapko frank aur fearless bana padta hai tabhi aap internet par kohram macha sakte hai. Lekin agar aap hard work ko bhula kar keval talent ke dam par success hone ki koshish kar rahe hai to success ko achieve karna impossible hai.
Kevin Durant ne kaha hai:
Hard work beats talent when talent doesn’t work hard.
जब प्रतिभा कड़ी मेहनत नहीं करती है तो कड़ी मेहनत प्रतिभा को हरा देती है।
3. Bad Attitude
Bad attitude ek deep secret hai jo aap ne pehle kabhi nahi suna hoga. Agar aap ye soch kar vlogging and blogging karte hai ki “hey God ab main kaise bolon, kya bolon, kis tarah bolon, sab log mujhe dekh kar kya kahin ge” to believe me, aap kabhi successful business kar hi nahi sakte hai. Online world me sabse pehle apne dar ko bhagana hai aur bilkul ek pagal ki tarah sochna padta hai.
YouTubers/bloggers ka mind jitna crazy hoga utni hi jyada success milegi. Jab Youtuber initially video create karta hai to uske ghar wale sochte hai ki shayed humara beta ab pagal ho chuka hai. Ye din raat camera ke samne kuch bakwas karne me laga hai.
In general, Offline mode me jitna professional ban kar raho ge utna hi fyda hai aur online mode me aadmi ka dimag clear ek pagal ki tarah hona chahiye.. In fact, kuch log ganja pi kar videos banate hai. Lekin ye bad habit hai. “Jaan hai to Jahan Hai” jab ganja pi pi kar jaan hi nahi rahi gi to YouTube channel kis liye?
Bad attitude ye nahi hota hai ki aap kisi se baat na kare aur na hi kisi ko reply kare na help. Bad attitude woh hota hai ki jab bhi aap blog post type kar rahe hote hai ya YouTube channel par videos bana rahe hote hai to aap ke mann me “Hum Kisi Se Kam Nahi” ka concept hona chahiye.
4. Try Different
Agar aap same topics ki ratt laga kar bethe ge to yakeen mano aapko ek din apna business close karna padega. Abhi internet par puri information available nahi hai. Isi baat ka fayda utha kar aap apne contents bana sakte hai. Forums, groups, social media par log aise aise questions ki talash karte hai jiska answer aap apne contents me likh sakte hai.
Jitna satka bheja aap use karenge utne hi chances success ke hai. Agar aap same article ko ghuma phira ke likhte rehte hai to aapka blog/channel kisi ko pasand nahi aayega.
Ye 4 secrets follow karne ke baad aapki life zero se hero ho jayegi. In fact, bahut sare publishers bhi successful hone ke tips share karte hai lekin zaroori nahi ki aap har kisi ko follow kare. Aisa karne se aap ka confusion create ho sakta hai. Is confusion se bahar nikalne ke liye apne mind ko properly utilize kare tabhi aapko blogging and vlogging me kamyabi mil sakti hai.
