Hum har din internet time spend karte hai lekin kya aapne kabhi socha hai ki internet par duniya ki sabse अद्भुत वेबसाइटें konsi hai? Internet par na keval crime hota hai balki internet par ache ache websites ka bhandar bhi maujood hai jinhe dekh kar aap ko bahut maza aayega.
Best websites dekh kar aap sachi me enjoy karenge. Har ek site ka alag-alag design hone ke sath-sath different functions hai jo shayed aapne aaj tak nahi dekhi hogi. Main aaj aisi hi kuch websites ki list bana kar aapke samne rakh du ga taki aapko shock lag jaye.😉
Top 11 Amazing Websites
To chaliye friends ab main 2019 ki websites ke features one-by-one cover karunga taki aap website visit karne se pehle hi inke features pata kar sake.
1. Radio Garden
radio.garden website duniya ki sabse achi aur amazing website hai jaha par aap kisi bhi country ka radio station sunn sakte hai. Aap ko bas globe ghumana hai aur aapko favourite station automatically play ho jayega. Lekin agar aap radio station ki frequency jante hai to aap search box me frequency enter karke kisi bhi station ko tune kar sakte hai.
2. VirusTotal
virustotal.com meri sabse favourite website hai. Is website par hota kuch yun hai ki agar aapko lagta hai ki kisi file, domain, IP address me virus hai to aap virustotal par ja kar files, domains, IP addresses ko online scan karke virus remove kar sakte hai.
3. FlightAware
flightaware.com ek aisi website hai jaha par aap kisi bhi country ki flight ka status online track kar sakte hai. Aapko karna kya hai, bas Airline ka naam aur fight number enter karna hai. Iske alawa, aap country ka naam aur flight destination enter karke live status dekh sakte hai. FlightAware na keval flight status dikhata balki ye flight se related har cheez ko track kar leta hai.
4. Hacker Typer
hackertyper.com website ko aap kisi bhi halat me miss na kare kyon ki ye site aapke friends ka mind ek minute me ghuma sakti hai. Is website par jane ke baad, aapko keyboard se koi bhi key press karna hai. Press karne se website me automatically hacking languages type ho jati hai jo aapki girlfriend/boyfriend ko ek pal me impress kar sakta hai jaise ki aap sachi me kisi website ko hack kar rahe hai.
5. Mathway
mathway.com ki khaas baat ye hai ki agar aap ke paas koi bhi complicated math questions hai to aap is website par 1 second me solve kar sakte hai. Even ki agar aapke paas math question ki photo hai to aap us photo ko upload karke badi easily answer jaan sakte hai. Mathway website photo par likha hua question ko auto detect kar leta hai.
6. Background Burner
burner.bonanza.com images par lage background ho hatane me expert hai. Agar aapko kisi bhi image ka background erase karna hai to is se achi website aapko nahi mil sakti hai but agar aapko is se bhi achi site pata hai to mere sath share kare.
7. AccountKiller
accountkiller.com un logo ke liye hai jinhe social media accounts ko delete karna nahi aata hai. Is website par kisi bhi tarah ka account delete karne ke alawa, deactivate bhi kar sakte hai. Accountkiller me hota kuch yun hai ki is me sabhi accounts ka delete link direct diya hota hai jis par click karne se aap direct delete option par chale jate hai.
8. Receive SMS Online
receive-sms-online.info duniya ki popular website hai jo kisi bhi number se online SMS receive karti hai. For example, agar aap kisi ke sath apna number share karne se darte hai to aap is website ka upyog karke real-time SMS receive kar sakte hai. Basically, ye ek Android application hai jis ko aap download karke free service enjoy kar sakte hai.
9. Hotel WiFi Test
Kya aap kisi unknown place par picnic ke liye jana chahte hai? Jab hum kahin par bhi jate hai to hume sabse pehle is baat ki tension rehti hai ki waha ke hotels ka wifi speed achi hai ya nahi. hotelwifitest.com Website par aap kisi bhi city ka best wifi wala hota track kar sakte hai.
10. GetHuman
Agar aap kisi badi company se contact karte hai to contact ke dauran aapko waiting me rehna padta hai. gethuman.com par aap kisi bhi company ka customer waiting status check kar sakte hai. Iske alawa, aap is website par kisi bhi company ka contact number search kar sakte hai jaise Amazon, Google, Facebook, twitter etc.
11. How Long To Read
Koi bhi book download ya read karne se pehle aap kisi bhi book ka reading time jaan sakte hai? YES! Agar aap koi book read kar rahe hai to aapko complete kitab padhne ke baad hi ye pata chalta hai ki kis book me kitna time padhne me lage ga. Reading time janne ke liye howlongtoreadthis.com se badh kar koi aur website mil hi nahi sakti hai.
To friends ye thi दुनिया की सबसे अद्भुत वेबसाइट ke naam jinhe maine is post me cover kiya. Agar aapko kisi aur website ke bare me pata hai jo सबसे अच्छी वेबसाइट्स hai to comments me unka naam likhna na bhule.
