Kya aapke blog ka AdSense revenue kam hota ja raha hai? Aaj main aapke sath AdSense trick share karne wala hu ki kaise aap apne blogger sites me sticky ad install kar sakte hai with close button. Is ad me scroll effect hai jo scroll karne par footer me show karta hai. But ek baat yaad rakhe ki is ad unit me 728×90 ka size hona important hai warna aapko AdSense violation notice face karna padega.
Blogs me earnings zero ke barabar rehne ki wajah se hum blogging ko bye bye karne ke liye ready ho jate hai. But ab aisa nahi hoga kyunki aaj main aapke sath AdSense trick share karunga jiski help se aap apne blogs ki earnings ek din me triple kar sakte hai ya phir is se bhi zyada.
Sticky Footer Ad Ke Benefits
AdSense sticky ad use karne se na keval earnings increase ho jati hai but hamara blog professional bhi dikhta hai. Kyunki aap ne bahut baar notice kiya hoga ki premium sites me zyada tar sticky vigyapan lage hote hai jis se unke revenue me bahut izafa ho jata hai. Aap bhi footer me ad install karke apne blog ki earnings badha sakte hai.
Sticky Footer Ad Ke Features Aur Guidelines
Sticky footer desktop web browsers ke alawa mobile version me bhi work karta hai. Is ad ki sabse achi baat ye hai ki ye ad bog loading par koi bhi asar nahi karta hai kyunki ye ad scroll karne par hi show karta hai. Search Engine Journal ke according, sticky footer OK hai aur Google ke according, har page par only ek hi sticky vigyapan allowed hai. For instance, agar aapne sidebar me bhi sticky ad widget install kiya hai to aap Horizontal sticky footer install nahi kar sakte. But aapko pehle sidebar wala ad ko non sticky me change karna hoga ya phir Horizontal sticky footer widget ko hi non sticky me change kare.
Blogger Me Footer Sticky Ad Install Kaise Kare
Footer sticky ad install karne se pehle ye baat verify or confirm kare ki kahin ye vigyapan use karne se adsense policy violation to nahi hogi? Me is baat par koi bhi discussion nahi karna chahta hu kyunki me ne recently ye ad apni site me install kiya hai. Aap bhi meri tarah as an experiment is ad unit ka upyog kar sakte hai.
Step 1. First, apne blog template editor ko open kare aur Ctrl + F press karke </body> tag search kare.
Step 2. Body tag search karne ke baad, CSS aur JavaScript code is link se copy kare.
Step 3. Code copy karne ke baad, code ko </body> ke opar add kare.
Step 4. Ab AdSense code here ko 728×90 ad code paste karke Save par click kare and you are done.
Agar aap kisi karan footer sticky ad install karne me problem face kar rahe hai to aap apna feedback hame likh sakte hai.
Main phir ek baar ye kehna chahta hu ki footer me sticky AdSense widget install karne se pehle ye confirm kare ki aise ads use karna adsense policies me allow hai ya nahi.
Ad install karne ke baad aapki earnings increase hona start ho jayega aur is tarah se aap apne blog hosting charges. domain charges aur any charges badi aasani ke sath manage kar sakte hai. Agar aap ke paas high quality wala blog hai to aap adsense se apni daily zarurat bhi fulfil kar sakte hai jaise professional publishers karte hai.
