Facebook chatbot website me add karne ka tarika bahut hi aasan aur simple hai. Is method me na hi coding ki zaroorat padti hai aur na hi expert hona important hai. Me aapko Facebook live chatbot install karne ka tarika batane ja raha hu jis ki madad se aap apne site visitors ke sath bina email kiye chat kar sakte hai.
Facebook developers tool me bahut sare plugins available hai jaise comment plugin, social share plugin ke alawa aur bhi aise plugin hai jo humare business aur customer ke beech easy communication karne me help karte hai. Yadi aapke chatbot se koi vyakti message karkege to woh message directly aapke FB page ke inbox chali jayegi.
Facebook Messenger Plugin Zaroori Kyon Hai?
Agar aap site visitors ke sath 24/7 touch me rehna chahte hai to ye kaam messenger chatbot bina kisi jhanjhat kar sakta hai. Iska fyda ye bhi hai ki aap apne business ko grow kar sakte hai. Aap ne bahut sare website aur blogs par Facebook Messenger icon dekha hoga jo website ke bottom OR top right corner par show karta hai. Ye icon Facebook customer chat plugin hota hai jis par click karne se aap website admin, owner, ya phir webmaster ke sath easily contact kar sakte hai.
Facebook Messenger Bot Create Kaise Kare
Aap Facebook messenger bot ko Facebook Chatbot ya phir Facebook customer chat plugin bhi keh sakte hai. But aage badhne se pehle me aapko ek baat bata du ki Facebook Messenger Bot ko manually develop karne ke liye aap ke paas Albert Einstein ka mind hona chahiye. Jo tarika me aapke sath share karne ja raha hu woh sabse easy, simple aur automated hai.
Facebook Messenger Bot Install Kaise Kare
Aap apni website/blog ke liye Facebook chatbot do tarike se bana sakte hai. Ek manychat se aur dusra Facebook customer chat plugin website se.
Step 1. Sabse pehle manychat par login karke Growth Tools tab par click kare.
Step 2. Iske baad, right upper corner me New Growth Tool button par click kare aur webpage load hone ke baad Customer Chat select kare.
Step 3. Yadi aap default chat header name replace karna chahte hai growth tool ko Live Chat se rename karke Save par click kare.
Step 4. Yadi aap Hindi, Hinglish blog use kar rahe hai to default opt-in message ko hindi, hinglish language me change kare aur iske liye opt-in message ko Edit kare aur message me Hello, welcome to TechLekhak. Hume message karne ke liye thanks etc. Aap is message ko apne according change bhi kar sakte hai.
Step 5. Ye sab karne ke baad, Next button par click kare aur Visibility settings ko blank rakhe. Yadi aap kisi page par Facebook customer chat ko hide rakhna chahte hai to first option me page url paste kare.
Step 6. Next ke baad, ab color ka option aayega jaha aap widget ka default color ko apne favourite color se replace kar sakte hai.
Step 7. Ab greeting messages set karne ki bari hai. Yadi aap logged in plugin users aur logged out plugin users ke liye different greeting messages show karna chahte hai to aap default message text ko change bhi kar sakte hai aur ye option color setting ke neeche milega.
Step 8. Ab next step par widget settings ka option aayega yahan par aap facebook live chat widget ko desktop aur mobile me show/hide kar sakte hai. Yadi aap is widget ko dono devices par show karna chahte hai, to desktop and mobile select kare.
Step 9. Yeh step final aur important hai. Agar yaha par gadbad hui to aap ka chatbot work nahi karega. Is step par aapko Draft aur Active toggle button milega jis par click karne ke baad hi aap ka chatbot activate ho jayega.
Step 9. Yadi aap Facebook messenger bot ko apne blog/website me add karna chahte hai to blue button Install JavaScript Snippet par click karke javascript code copy kare.
Step 10. Ab aapko Setup your website me us website ka address enter karna hai jis par aap live chat plugin add karna chahte hai. Website url enter karne ke baad Add button par click karke code copy kare.
Step 11. Agar aap BlogSpot user hai to theme me ja kar </head> ke opar js code add kare. But agar aap wp user hai to wp dashboard me jaye aur waha par plugins par click kare.
Step 12. Ab Add New plugin par click karke search box me Insert Headers and Footers plugin search kare aur iske baad, install the plugin aur Active the plugin par click kare.
Step 13. Left side me Settings par click kare aur Insert Headers and Footers par click kare aur Box me chat code paste karke Save par click kare.
Code paste karne ke baad, apni site ko refresh kare aur refresh karne ke baad apki website par facebook messenger icon show ho jayega. Yadi aap Facebook developers tool se Facebook messenger chatbot create karna chahte hai to aap Customer Chat Plugin (beta) install kar sakte hai.
Manychat aur Facebook official chat icon me same features hai. But difference only ye hai ki Facebook official chatbot bahut hi easy hai. Ab aap khud decide kare ki aap kis website se chatbot create karna chahte hai.
