Video games khelne ka maza hi kuch aur hai but agar games ke graphics low quality ho, to aise games khelne me maza bhi nahi aata hai. Yehi wajah hai ki aaj main best graphics wale games aapke sath share kar raha hu. Is post me keval high quality wale video games ke bare me baat hogi jinhe aap apne PC par play kar sakte hai. Iske alawa is post me, minimum system requirement bhi discuss kiya jayega.
Computer video games me na keval awesome graphics ki zaroorat hoti hai, but games me best graphics hone ke alawa, game resolution bhi matter karta hai. Agar video game ka resolution sahi na ho, to aise games khelne me headache ho jata hai. High-quality games khelne ke liye PC me best graphics card hona chahiye tab aise games ko enjoy kar sakte hai.
Warning: If you are under the age of 18, you may not download/play the games mentioned here. Please seek your parent/guardian permission before you read the post.
Top 5 PC Games With Killer Graphics
सर्वश्रेष्ठ ग्राफिक्स के साथ शीर्ष ५ कंप्यूटर गेम्स: Maine is article me na keval best graphics aur best resolution wale games ko mention kiya hai, but in games ka mission bhi smart aur brainy hai. Is post me diye gaye kuch games ko windows ke kisi bhi version par play kar sakte hai. Ab bina time waste kiye, main aap logo ke sath top 5 pc games share karne ja raha hu. To ayie list par ek nazar dale.
1. Doom
First-person shooter genre – Aap ne Doom game ka naam bahut bar suna hoga, but kya aapko pata hai ki DOOM ki speciality kya hai? DOOM game ke graphics dekh kar believe hi nahi hota hai ki ye game hai. Jab maine is game ko first time play kiya to mujhe laga ki shayad me hollywood movie dekh raha hu. Yeh game khel kar aapko bahut maza aaye ga. Agar graphic design ki baat ki jaye, to Doom game no. 1 par hai.
System Requirements:
- CPU: Intel Core i5-2400 or better
- RAM: 8GB
- OS: Windows 7, Windows 8.1, Windows 10
- System Type: 64-bit
- Video Card: GeForce GTX 670 (2GB), Radeon HD 7870 (2GB) or better
- Required Disk Space: 45 GB
2. Batman: Arkham Knight
Strike-and-counter fighting style game – Agar mere bas me hota to main Batman game developer ko award de deta. Batman game me stunning graphics hone ke sath-sath game resolution bhi kuch kam nahi. Is game ka mission bhi hairan kar deta hai. Khelne wale ko aisa feel hota hai ki jaise woh sachi me kisi mission par nikla hai.
System Requirements:
- CPU: Intel Core i5-750, 2.67 GHz
- RAM: 6GB
- OS: Windows 7, Windows 8.1, Windows 10
- System Type: 64-bit
- Video Card: NVIDIA GeForce GTX 660
- Required Disk Space: 45 GB
3. Deus Ex: Mankind Divided
Action role-playing Human revolution game – Agar world DVD game competition me 1000 games ko rakh diya jayega to Deus Ex sabhi games ko defeat de sakti hai. Level cross karne par iska mission aur bhi kathin hota jata hai jisko khelne ke liye na keval smart brain ki zaroorat hai, but is game ko complete karne ke liye aapke paas one-man-army personality bhi honi chahiye. Kya aapko meri baat par trust nahi ho raha hai? Zara is game ko khel kar to dekho. Iske graphics OMG aur iske sound effects wow.
System Requirements:
- CPU: 2 GHz dual core
- RAM: 2GB
- OS: Windows XP, Windows Vista or Windows 7 with DirectX 9.0c
- System Type: 32 bit or 64-bit
- Video Card: NVIDIA GeForce 8000 series/ATI Radeon HD 2000 series or better
- Required Disk Space: 8.5 GB
4. The witcher 3: Wild Hunt
War, beauty, blood and violence game – Yeh wohi game hai jiske bare me bahut sare bloggers ne apne articles me mention kiya hai. Is game ko khelne ke baad, PC ko shutdown karne ka mann hi nahi karta hai aur khelne wala bas yahi sochta hai ki kab woh is game ko bubara play kare. The witcher hunter 3 game ke graphic design kisi bhi DVD/Video game se kam nahi hai. Maine ek bar is game ko play kiya hai aur tab se khelta rehta hu.
System Requirements:
- CPU: Core i5-2500K 3.3GHz
- RAM: 6GB
- OS: Windows 8
- System Type: 64-bit
- Video Card: GeForce GTX 660 or better
- Required Disk Space: 40 GB
5. Crysis 3
Action hero with advanced weapons – Sci-Fi hollywood movies makers jab is game ko play karte hai to unki bolti band ho jati hai. Main koi joke nahi kar raha hu, but ye ek reality hai aur aapko tab is baat ki pushti hogi jab aap is game ko ek bar khelenge. Main khud bhi is game ka mission dekh kar hairan ho jata hu. Game ke starting me player kaise apna introduction deta hai. Lag nahi raha hai ki hum koi game khel rahe hai. Aisa lag raha hai ki jaise betaaj badshah ban kar weapons aur commitments ka use kar rahe hai.
System Requirements:
- CPU: Intel Core 2 Duo 2.4 Ghz (E6600) / AMD Athlon 64 X2 2.7 Ghz (5200+)
- RAM: 3GB
- OS: Windows Vista, Windows 7 or Windows 8
- System Type: 64-bit
- Video Card: GeForce GT 520 or better
- Required Disk Space: 20 GB
Post me mention kiye gaye games ko play karne ke liye minimum system requirement hona zaroori hai. Agar aap ke system me minimum requirements nahi hai, to please game ko purchase na karne kyon ki aise Low quality laptops par high-graphics wale games theek tarah se play nahi ho sakte hai. Agar aap ke paas best gaming laptop hai, to ye games achi tarah se play ho sakti hai.
To friends ye tha aaj ka top rated DVD games jo ki PC users ke liye develop kiye gaye hai. Videos games ko Android, iPad, aur Apple iPhone par bhi play kar sakte hai but mobile platform ke liye different games hai jo aap play store se download kar sakte hai. Post me diye gaye games ke naam se play store me duplicate copy bhi available hai jo aap Free me download kar sakte hai. MAc users ke liye bhi stunning video games available hai jinka graphics design la-jawab hai. Agar aapko ye post acha laga ho, to is article ko apne friends ke sath share kare.
