Dosto, hum din me kahin baar bahut sari websites, forums aur blogs browser karte rehte hai. Koi kuch sikhne ke liye, koi kuch download karne ke liye aur koi news padhne ke liye browser karta hai. Kya aap ne kabhi pata lagane ki koshish ki hai ki aapki favourite website par kon kon si technologies ka upyog kiya gaya hai? Technology profile dekhne se hume ye pata chalta hai ki website kis “Content Management System” se judi hai aur is par kon kon si Programming languages ka upyog kiya gaya hai. Hum source code view kar ke bhi pata laga sakte hai but aisa karne se hume puri jankari nahi mil sakti hai.
Website technology profile dekhne ke sath-sath hum “Relationship Profile” bhi badi aasani ke sath check kar sakte hai. Agar aap kisi favourite website ke bare me jankari hasil karna chahte hai to aap only 30 seconds me pata laga sakte hai. Yeh koi illegal kaam nahi hai. Hume bas technology check karna hai.
Technology Profile Me Kya Kya Dekh Sakte Hai?
Dosto, is section me hum website se judi important details check kar sakte hai. Is profile me hum neeche di gayi jankari hasil kar sakte hai:
Content Delivery Network, Content Management Systems, Widgets, plugins, programming languages, Advertising, Nameserver Providers, Hosting Providers, SSL Certificate, Aggregation Functionality, Encoding, CSS Media Queries, aur Document Information.
Relationship Profile Me Kya Kya Dekh Sakte Hai?
Relationship profile me hum woh sab dekh sakte hai jo manually check nahi kiya ja sakta hai. Is section me hum website Tag History, IP address history, aur Relationship Data jaisi information dekh sakte hai.
Technology Profile Check Kaise Kare
Main is ke bare me aaj aap ko batane wala hu. Yeh bahut hi aasan aur FREE tarika hai. Aapko bas builtwith.com website technology lookup par jana hai. Waha ja kar apni favourite website ka Homepage address enter kare. Enter karne ke baad kuch seconds tak wait kare aur builtwith.com enter ki gayi website ko process kar ke technology aur relationship profile show kare ga. Agar aap ka Internet connection slow hai to seconds ke bajaye minutes lagenge.
Bahut saare log aise hai (main bhi un me se ek hu) jinhe ye pata nahi ki unki apni website par kon si technologies chal rahi hai. Website Technology Profile Check karne se aap apni website ke bare me important jankari track kar sakte hai. Dosto, builtwith.com se na meri koi relationship hai aur na hi me is website se affiliate hu. builtwith.com website ke alawah internet par aur bhi website hai jinse aap website technology profile check kar sakte hai. Lihaza ye zaroori nahi ki aap only builtwith.com par hi website profile check kare. Yeh website maine bas aapki सुविधा ke liye mention ki hai.
