Kya aap ne kabhi notice kiya hai ki kaise Facebook aap ke phone contacts detect karta hai? Is baat ka pata tab chalta hai jab Facebook aap ke phone contacts fetch karke फोन संपर्कों से मित्र aur फोन संपर्कों से Messenger उपयोगकर्ता suggest karta hai. Basically, jab hum apne mobile se Facebook App first time open karte hai, to Facebook App humari permission lekar contact address book data apne server par upload karta hai. Yehi wajah hai ki Facebook ek user ke phone se contact data fetch karke Messenger aur Facebook friends suggest karta hai.
Hamari permission ke bina Facebook humare address book ko upload nahi kar sakta hai. Agar aap ne kabhi Facebook App ko permission “Allow” kiya hai to aap ise “stop” kar sakte hai. Facebook App ko phone contact upload karne se roka ja sakta hai. Is ke alawa, upload kiye gaye contacts ko Facebook server se delete bhi kar sakte hai. Is ke liye main is post me stepwise guide likhne ja raha hu.
How to Prevent Facebook from Uploading Phone Contacts?
Facebook App ka interface Android aur iPhone par different hai. Is liye main is post me donu operating systems ke liye alag-alag tarike batane ja raha hu. Inhe follow karke aap badi aasani ke sath Facebook ko contacts upload karne se rok sakte hai.
For Android Smartphone:
- Android phone par Facebook App launch karke top right menu par click kare
- Mobile screen ke neeche “Settings & Privacy” select kare
- Ab “App Settings” option select kare
- Finally, “Continuous Contacts Upload” option select karke “Disable” select kare
For iPhone/iPad:
- Sabse pehle apne iPhone/iPad se Facebook official App launch kare
- Is ke baad “menu button” par click kare
- Menu button par click karne ke baad “Settings” select kare
- Ab “Account Settings” select kare
- Account Settings me bahut saare options aaye ge. Waha par baki option ko chhod kar “General” par click kare
- Is ke baad “Upload contacts” select kare
- Aakhir me “OFF” option par click karke Facebook App ko contact data upload karne se roken
Upload Kiye Gaye Contacts Remove Kaise Kare
Opar diye gaye steps follow karne ke baad already upload kiye gaye contacts ko remove karne ke liye neeche diye gaye steps follow kare.
- Contacts ko remove karne ke liye apne web browser se Manage Invites and Imported Contacts page par jaye
- Page load hone ke baad “Remove all contacts” par click karke uploaded contacts hataye ja sakte hai
Agar aap Facebook App se contacts data off nahi karenge, to web browser se contact data remove karne ka koi matlab nahi hai. Kyonki Facebook App next time phir se phone address book upload kar sakta hai. Is liye “Manage Invites and Imported Contacts” page par jane se pehle App se “contact upload option” off kare.
Dosto, “Contacts Upload” option ko off karne se Facebook messenger next time suggestion dena band karde ga. Yeh suggestions band hone se aap ye nahi jan pao ge ki aapke phone contact me kon kon Facebook messenger use kar raha hai. But agar aap ke contacts me se koi vyakti aapki friend list me hai to uske suggestions band nahi hu ge. Jab bhi aap ke friends FB Messenger install karenge, to Facebook aapko notify kar de ga. In general, Facebook “contact upload” off karne se phonebook ki security strong ho jati hai aur aap ke phone me saved contacts safe aur secure rahenge.