Facebook par “Friends” section access karne se friends list check kiya ja sakta hai. Lekin “Friends” section se only friend list view kar sakte hai. Aur is section par abhi tak (April, 22, 2018) aisa koi bhi option nahi hai jis se friend list download/export kiya ja sake. Ho sakta hai ki future me Facebook yeh option add karde. Lekin iska matlab yeh nahi ki hum Present time me friend list download nahi kar sakte hai. Agar aisa hota to phir main ye post share hi kyun karta?
Main is post me Facebook friend list download karne ke 2 simple tarike share karne ja raha hu. Is trick ki madad se aap apne Facebook account me friend list badi aasani ke sath export/download kar sakte hai. Yeh list HTML ya phir JSON file format me download kiya ja sakta hai. In dono tarikon se Facebook friends se judi information PC par download kar sakte hai. Jaise ki friends ke naam, profile picture, profile picture URL, friendship tithi aur varsh, ke alawa, aur bhi अन्य jankari hoti hai. List export karne ke liye, maine neeche steps mention kiye hai. In steps ko follow karke Friend list download kare.
Facebook Friend List Export/Download Kaise Kare
Friend list export karne ke liye chrome extension ya Facebook data backup feature se kiya ja sakta hai. Sabse pehle main Chrome extension ki madad se friend list download karne ka tarika discuss karne ja raha hu. Kyon ki yeh tarika bahut hi easy aur simple hai.
Method 1: Export Facebook Friend List Using Chrome Extension
Step 1. Google Chrome se friend list download karne ke liye, chrome me facebook account login kare. Yadi aap chrome se login nahi karenge, to extension aapki friend list fetch nahi kar payega.
Step 2. Login karne ke baad, Toolkit For Facebook extension Chrome browser par install kare. Installation complete hone ke baad, web browser ke upper right side me “Toolkit For Facebook” extension ka icon show ho jayega.
Step 3. Ab extension launch karne ke liye iske icon par Left click kare. Is ke baad, ek pop-up show ho jayega. Is pop-up ko neeche scroll karke, “Backup Facebook Friend List” option par ja kar “Start tool” button par click kare.
Step 4. Start tool button par click karne se New Tab automatically open ho jayega jaha aap friend list dekh sakte hai. Is list me facebook friends ki profile picture, friend name, view profile, aur view messages jaise options show ho jayenge.
Step 5. Finally, list export karne ke liye, neeche scroll karke “Export to JSON” button par click kare. Yeh sab karne ke baad, friend list ko PC par kisi bhi folder me download kare.
Download ki gayi file ko open karke friends ka first and last name, profile picture URL, user ID, aur date of friendship jaisi information check kar sakte hai. Yadi aap kisi karan, apna account delete bhi kar denge, tab bhi yeh file open karke, friends name, profile picture URL, aur user ID dekh sakte hai. But account delete karne se pehle, list download kare.
Method 2: Export Facebook Friend List Using Facebook Data Backup
Yeh Facebook ka official method hai. Is method se na sirf friend list export kiya jata hai, balki isse account se judi puri information Email inbox me download kar sakte hai. Yadi aap HTML file format me friend list download karna chahte hai, to “Facebook Data Backup” badhiya option hai.
Step 1. Sabse pehle sahi password aur username enter karke Facebook account me login kare. Ab top right side me drop down menu par click kare.
Step 2. Menu par click karke, “Settings” select kare. Aur waha “General” settings me jaye. General settings me “Download a copy of your Facebook data” option par click karke “Start archive” par click kare.
Step 3. Security reason ke liye, Facebook aapse account password enter karne ko kahega. Password enter karke “OK” click kare. Iske baad, aap ko ek message dikhe ga.
We are gathering your information and will send an e-mail to [email protected] when it is ready for download.
Iska matlab hai, ki Facebook aap ke email address par Facebook data kuch samay ke baad send karde ga. Email ke alawa, Facebook par friend list directly download karne ke liye notification bhi milega. Notification par click karne se, facebook aapko “Download Your Information” page par redirect karde ga jaha aap “Download Archive” click karke account data Zipped file format me download kar sakte hai.
Step 4. Zip file me account se judi har ek jankari shamil hogi. Lekin hume Facebook friend list se matlab hai. Zipped folder extract karke, “html” folder me jaye aur waha “friends.html” par click kare.
Aisa karne ke baad, friend list open ho jayegi jaha aap friends ki information check kar sakte hai. Yeh bahut hi aasan aur surakshit tarika hai. Kyon ki “Facebook Data Backup” me third part App ya software involve nahi hota hai. Lekin agar simple aur easy method ki baat ki jaye to “Toolkit For Facebook” chrome extension badhiya option hai.
Facebook friend list ya pura Facebook account data export karne se aapka account delete nahi hota hai. Kuch log “Start archive” option dekh kar confuse ho jate hai ki kahin unka account delete to nahi hone wala hai.
Dosto, yeh tha aaj ka topic jis me maine Facebook friend list download karne ke do different tarike bata diye. Aap wohi tarika use kare jis se aap safe, secure, easy aur simple feel karenge. I hope ki aapko yeh post pasand aaya hoga.
