Windows Desktop Screen Rotate Kaise Kare

Kya aap apne computer ka screen 0, 90, 180, aur 270 degree me ghumana chahte hai? Agar aisa hi hai to ye post screen rotate karne ke kuch tarike bataye ga. Windows Desktop me screen ko rotate karne se videos aur movies ko different orientation me enjoy kar sakte hai. Main aapko Screen ghumane ke kuch aasan tarike batane ja raha hu jisko pad kar aap kisi bhi PC ka screen 0, 90, 180, aur 270 degree me rotate kar sakte hai.

kahi bar aisa bhi hota hai ki hum galti se PC ka screen portrayed, portrayed (flipped) ya Landscape (flipped) me rotate kar dete hai jiski wajah se PC use karna mushkil kam ban jata hai. Is ke alawa, flipped rotation me mouse theek tarah se use nahi kar pate hai. Jab screen hi ulta ho to pura computer ulta ho jata hai. Ek bar mere sath aisa hi hua. Tab maine apna PC ulta pakad kar screen ko landscape me rotate kiya. Agar aap bhi PC ko bina ulta pakde rorate karna nahi jante to ye post aap ki samasya ko door karde ga.

• Laptop Ka Battery Backup Kaise Badhaye
  

1. Display Settings

Windows ki settings me ja kar aap monitor orientation change kar sakte hai. Apne screen par kisi bhi blank area par right click kare. Right click karne ke baad “display settings” ko select kare. Finally, orientation me aap screen ko Portrait, Landscape, Portrait flipped, aur Landscape flipped me ghuma sakte hai. Screen rotate karne ke liye ye bahut easy tarika hai jisko aap ek minute me complete kar sakte hai.

2. Intel Graphics Options

Intel Graphics me hum screen rotate karne ke alawa bahut saari setting change kar sakte hai jisme ek setting “screen rotation” hai. Intel Graphics ko access karke aap ek minute se bhi kam samay me screen ghuma sakte hai. Screen ghumane ke liye monitor ke kisi blank area par right click kare. Click karne ke baad “rotate” option par click karke screen orientation change kare. Maine apna PC kuch hi din pehle update kiya aur us wajah se ab waha “rotation” ka option nazar nahi aa raha hai. Agar aapne abhi tak apna PC update nahi kiya hai to aap Intel Graphics me screen orientation change kar sakte hai.

3. Command line

Command line software use karke windows desktop ka screen badi aasani ke sath rotate kiya ja sakta hai. Is software ko download karke command line se 0 degree se lekar 270 degree me screen ko ghuma sakte hai. Is software ko download karne ke liye is link par jaye http://noeld.com/programs.asp?cat=misc#display. Software install karne ke baad, .exe file C:Windows me paste kare. Ab Command line (display commands) me rotation degree ko enter karke execute kare. For example, agar aap screen ko 180 degree me ghumana chahte hai to display / rotate: 180 likh kar execute kare. Iske alawa, command line se brightness, contrast aur baki display properties change kar sakte hai.

4. Keyboard Shortcut

Ye sabse aasan aur surakshit tarika hai. Keyboard Shortcut se aap ka chhota cousin bhi screen ko kisi bhi angle me rotate kar sakta hai. Rotate karne ke liye poore keyboard ki bhi zaroorat nahi hai. Bas CTRL + ALT + up arrow, down arrow, left arrow aur right arrow theek hona chahiye. CTRL + ALT + Up Arrow se screen landscape me rotate ho jata hai. Is tarah se CTRL + ALT + arrow keys ko istemal kar ke screen ko kisi bhi angle me rotate kar sakte hai.

Personally, main Keyboard Shortcuts se hi poora computer use kar leta hu. Keyboard Shortcuts ko use karne ke liye third-party softwares ki zaroorat nahi padti hai aur computer par kam bhi jaldi kar sakte hai. Aap apne PC ka screen rotate kaise karte hai?