Hello Guys! Aaj hum baat karenge India ki Top 5 (Buy & Sell) Bitcoin websites ki, jaha par aap Bitcoin safely trade kar sakte hai. Humare Digital India me ab hum har koi kam online karte hai. Na hi Bus ka kiraya dena hai, na rail me travel karne ki zarurat hai. Bas Internet pe baithe baithe har koi kaam easily kar sakte hai. To kyun na aaj Bitcoin (digital currency) websites ke bare me baat ki jaye.
Dosto, ab me direct topic pe aata hu. Topic pe aane se pehle ek baat ka khayal rakhe ki Net pe bahut saari fake websites hai jo aap ke Bitcoin trading me Hera Pheri kar dete hai. Aisi websites se hamesha bach kar rahe.
Main is post me only Top websites ke naam mention karne ja raha hu jaha aap bina kisi tension Bitcoins ko (खरीदो-बेचो) kar sakte hai. To dekhte hai ki aap ko kaun si website pasand aati hai.
1. CoinSecure
CoinSecure India ki Bitcoin trading aur exchanging me leader hai. Is website pe aap ka wallet secure aur safe hai. Yaha par aap Bitcoins ko purchase karne ke sath sath Exchange bhi kar sakte hai. Lekin trade karne se pehle aap ko apna account KYC (Know Your Customer) se verify karna zaroori hai. Apne wallet ko activate karne ke liye Aadhaar card, phone number aur bank details submit kare.
2. Zebpay
Agar aap meri tarah Mobile lover hai to Zebpay ek dam sahi hai. Zebpay App se aap Amazon, Cafe Coffee aur Flipkart ke coupons khareed sakte hai. Hai na badhiya? Zebpay (buy and sell) App se Bitcoins ko easily exchange kiya jata hai. Yaha par Cash to BitCoin, BitCoin to real cash, BitCoin to coupons, BitCoin to recharge ke options hai. Aap apna mobile number bitcoins se recharge kar sakte hai.
3. Coindelta
Coindelta India ki sab se badi aur multi-cryptocurrency exchange karne me No. 1 hai. Yaha par customer ko 100% secure transaction aur wallet ki guarantee hai. Jab Trading ki baat ho, to Coindelta sabse fast aur easy hai. Customer badi aasani se BitCoins Buy, Sell aur Store kar sakta hai.
4. LocalBitcoins
LocalBitcoins par PayPal se BitCoins kharida ja sakta hai. Agar PayPal account na ho to Cash se BitCoins ko purchase kar sakte hai. India me BitCoins ko higher rate par Sell karne ke liye LocalBitcoins King hai. Sab se badi baat, LocalBitcoins bohut hi secure hai.
5. Unocoin
Internet par aksar BitCoin websites dollars “$” ke roop me trading karte hai, Lekin Unocoin India ki pehli aisi website hai jaha par aap BitCoins ko INR (Indian Rupee) ke roop me Buy and Sell kar sakte hai. Is website par 60 days complete karne ke baid trading charges LESS kar diya jata hai. Matlab ye, pehle 2 months me is website par BitCoins ko Buy and Sell karne ke liye hume poore charges dene padte hai. Aur jaise hi 60 days complete ho jate hai to user ka “standard membership” account “Gold Membership” me upgrade ho jata hai. Aur Gold Membership ko achieve karne ke baid trading charges 0.7% kam ho jata hai.
Meri favorite website BTCXIndia hai. Main ne is website par poore ek saal tak BitCoins ka trade kiya. Lekin ab ye website kisi karan band kar di gayi hai. Mujhe BTCXIndia par her time friendly customer support bhi mila jo main kabhi bhool nahi sakta.
To dosto, ye tha aaj ka topic jis me main ne India ki top 5 BitCoin (buy and sell) websites ko mention kiya. Umeed hai ki aap ko ye post pasand aaya hoga.
